Honda bilen birleşmek baradaky gepleşikler şowsuz gutarandan soň, Nissan ýapon awtoöndürijisi beýleki kompaniýalardan teklipler üçin açyldy. Bazarda ýüze çykýan kynçylyklary ýeňip geçmek üçin, kompaniýa beýleki pudagyň kompaniýalary, şol sanda tehnologiýa ägirtleri bilen hem hyzmatdaşlygy gözden geçirmäge taýýar diýip, Reuters habar berýär.
Mundan öň Nissan-yň Honda bilen gepleşiklerden çykandygy we onuň golçur kärhanasy bolmakdan ýüz öwrendigi habar berildi.
Mümkin bolan hyzmatdaşlaryň biri elektronika, şol sanda iPhone öndürijisi Foxconn hasaplanýar. 2024-nji ýylyň dekabr aýynda kompaniýa elektromobil pudagynda hyzmatdaşlyk etmek teklibi bilen Nissan-a ýüz tutdy, ýöne şol wagt awtoöndüriji bu teklibi ret etdi.
Foxconn elektromobil önümçiligi boýunça işewürligi işjeň ösdürýär. Kompaniýada bu bölümçä Nissan-yň öňki top-menejeri Jun Seki jogap berýär. Birwagtlar ol Nissan-yň baş müdiri wezipesine dalaşgär hasaplanýardy, ýöne bu wezipäni ahyrynda häzirki ýolbaşçysy eýeledi.
