Aşgabat gazeti «Arkadagly Gahryman Serdarly ak şäherim Aşgabat!» atly döredijilik bäsleşigini yglan etdi. Bäsleşik Aşgabat şäher häkimligi, Türkmenistanyň Demokratik partiýasynyň Aşgabat şäher komiteti we Magtymguly adyndaky Türkmenistanyň Ýaşlar guramasy bilen bilelikde guralýar.
Bäsleşik 25-nji maýda bellenilip geçilýän Aşgabat şäheriniň güni mynasybetli geçirilýär. Oňa ýaşyna garamazdan, isleg bildirýänleriň ählisi gatnaşyp biler. Bäsleşige türkmen paýtagtynyň gözel keşbini we ajaýyplygyny beýan edýän makalalar, goşgular, fotosuratlar we fotokollažlar hödürlenip bilner.
Hödürlenjek işler hakyky we öň hiç ýerde neşir edilmedik bolmaly. Bäsleşik üçin materiallary "Aşgabat" şäheriniň redaksiýasyna bäsleşigiň adyny ýazyp, 15-nji maýa çenli ibermeli.
Bäsleşigiň ýeňijileri 25-nji maýda yglan ediler. Iň gowy materiallar gazetde neşir ediler.
Habarlaşmak üçin telefonlar:
+993 12 39-96-24
+993 12 39-96-34
