Dubaýda dünýäniň iň beýik otaglary satuwa çykaryldy. Burj Halifanyň 107-nji we 108-nji gatlaryny eýeleýän dupleks 51 mln dollara siziňki bolup biler diýip, Luxury Life Style ýazýar.
Sky Palace (Asman köşgi) penthausy 460 metr belentlikde ýerleşip, 1 950 inedördül metr meýdany eýeleýär. Häzirki wagtda otaglar diňe bir “gabyk” bolup, emlägiň öz adyna mynasyp kaşaň görnüşe eýe bolmagy üçin, takmynan, 4,9 mln dollar möçberde maýa goýumy talap edýär.
360 gradus penjireler bilen şähere tarapa görnüşden başga-da, ýaşaýyş otaglarynyň hususy lifti we 12 sany awtoduralga ýeri bar. Şeýle-de, onuň aýratynlyklaryna 123-nji gatdaky hususy myhmanhana elýeterlilik, 43-nji we 76-njy gatlardaky jakuzi we basseýn, iki ýokary derejeli SPA-salon we üç sport zaly girýär. Ýaşaýyş otaglarynyň täze eýesi Armani myhmanhanasynyň amatlyklaryna we diňde ýerleşýän hususy ýapyk baglara hem elýeterlilik alar.
Penthaus barada maglumat 13 ýyl gizlin saklandy, emläk täsirli bir şahsyýet üçin ätiýaçlykda goýuldy. Ýerleşýän ýeriniň beýikligi netijesinde täze eýeler şahsy durmuşynyň doly gizlinligini gazanar.
Burj-Halifa diňi dünýäniň iň beýik binasy adyny göterýär. Onuň beýikligi 828 metre ýetýär.
