Awstraliýaly hünärmenler dünýäde ilkinji gezek «synag çüýşesinde» kenguruwyň embrionyny döretdiler. Barlagçylaryň aýtmagyna görä, bu üstünlik koala, tasmaniýa "arwahy" we demirgazyk ýüňli wombaty ýaly ýitip gitmek howpy abanýan torbaly haýwanlaryň goralmagy ugrunda täze mümkinçilikleri açýar diýip, BBC habar berýär.
Awstraliýa torbaly süýdemdirijileriň iň köp görnüşiniň ýaşaýan ýurdy bolsa-da, bu ýerde süýdemdiriji haýwanlaryň ýitip gitmek derejesi hem örän ýokarydyr.
Gündogar çal kenguruwlaryň nusgalary bilen geçirilen synag, torbaly haýwanlaryň köpelmegi barada möhüm maglumatlary ýüze çykarmaga mümkinçilik berdi. Şol bir wagtyň özünde, olaryň diri dogulmagyny gazanmak üçin tehniki ösüşleriň mundan beýläk hem kämilleşdirilmegi zerur bolar.
Geçen ýyl Keniýada surrogat enelik usuly arkaly dünýäde ilkinji gezek kerkiň (nosorog) göwreliligi gazanyldy, 2018-nji ýylda bolsa ilkinji gezek eşegiň embriony döredildi.
Alymlar bu usullaryň Awstraliýanyň özboluşly haýwanat dünýäsiniň genetiki köpdürlüligini saklamaga ýardam berjekdigine umyt baglaýarlar, sebäbi bu ýurtda süýdemdirijileriň ýitip gitmek howpy örän ýokarydyr.
