TikTok-da 60-90 sekuntlyk wakalardan ybarat bolan örän gysga seriallar uly meşhurlyk gazanýar. 2024-nji ýylda Hytaýda olaryň önümçiliginden gazanylan girdeji 35% ýokarlanyp, 6,91 mlrd dollardan geçdi. Bu barada Bloomberg habar berýär.
Şeýle görnüşli taslamalardan iň meşhur seriallaryň biri “Milliarder ýanýoldaşymyň iki durmuşy” (Двойная жизнь моего мужа-миллиардера) boldy. Onda ejesiniň bejergisini tölemek üçin şowsuz we öň tussaglykda oturan adama durmuşa çykýan zenan barada gürrüň berilýär. Serial 49 bölümden ybarat, ýöne olaryň her biri bary-ýogy birnäçe minut dowam edýär. Ulanyjylar awtorlardan täze bölümleri has çalt çykarmagy haýyş edýärler.
Çeşmäniň maglumatlaryna görä, her gün şeýle seriallara hytaýly internet ulanyjylaryň ýarysy tomaşa edýär.
“Meniň pikirimçe, mini-dramalar ýene birnäçe ýyldan hatda adaty kino-bazaryndan öňe geçip, esasy güýmenje görnüşine öwrülip biler” – diýip, “Milliarder ýanýoldaşymyň iki durmuşy” serialyny düşüren ReelShort-yň baş müdiri Joi Jia belledi.
Mini-seriallar Hytaýda 2018-nji ýylda peýda boldy. Häzir ýurtda her ýyl 5-8 müň täze serial çykarylýar – bu dünýäniň beýleki ýerlerindäkiden on esse köpdür.
