Meşhur aýdymçy Billi Aýliş täze atyr çykardy. "Your Turn" atly atyryň çüýşesi zar şekilli görnüşde ýasaldy.
Atyryň ysly düzümi zenjebiliň, bergamotyň we ýiti ysly kardamonyň açyk äheňlerinden başlanýar. Soňra şetdalynyň, ýaseminiň we kokos suwunyň akkordlary açylýar. Ýumşak sandal agajynyň äheňi ysa çuňluk we ýylylyk goşmak bilen, müşki yslar çemenini tamamlaýar.
Aýlişiň sözlerine görä, ys şahsyýeti we adamlar özüne bil baglanlarynda ýüze çykýan tükeniksiz mümkinçilikleri aňladýar.
“Özbaşyna gymmaty bolan çüýşeli atyrlary men çyndanam halaýaryn. Şonuň üçin öz hoşboý ysly atyrlarym üçin çüýşeleri döredenimde bu hemişe meniň pelsepämdi - bularyň hemmesi sungat eserleri "-diýip, Billi Cosmopolitan neşirine gürrüň berdi.
Billi Aýlişiň atyr brendiniň resmi web sahypasynda atyr 90 dollara satylýar.
Aýdymçy ozal Eilish, Eilish No2 we Eilish No.3 atyrlarynyň çäkli neşirini çykarypdy. Onuň atyrlar setirindäki her täze müşki süýji wanil äheňlerinden has ýakymly, mylaýym görnüşlere öwrüldi.
