Ýüzmek boýunça Olimpiýa ýaryşlary geçirilenden soň alymlar Parižiň (Fransiýa) Sena derýasynyň suwunyň arassalanýandygyny görkezýän möhüm alamatlary ýüze çykardylar. The Guardian neşiriniň ýazmagyna görä, Sena derýasynyň suwunda seýrek duş gelýän midiýalaryň DNK-sy tapyldy.
Her bir midiýa günüň dowamynda 40 litre çenli suwy süzüp bilýär. Alymlar midiýalaryň derýada peýda bolmagyny suwuň hiliniň gowulaşýandygynyň alamatydygyny aýdýarlar we tebigy arassalanma prosesine goşant goşýandygyny belleýärler.
Şeýle hem alymlar şäheriň yşyklandyryşynyň biologik dürlüligiň ösüşine ýetirýän täsirini öwrenmek üçin geçirilen gözlegiň dowamynda, derýada 23 görnüşli midiýanyň DNK-synyň yzlaryny tapdylar. Olaryň arasynda ýitip gitmek howpy abanýan 3 görnüş bar. Mundan başga-da, gözleg Sena derýasynda 36 dürli görnüşli balygyň ýaşaýandygyny görkezdi. Bu bolsa 1960-njy ýyllar bilen deňeşdirilende 10 esse köpdür.
