Hytaýyň AgiBot kompaniýasy Gazagystanda adama meňzeş robotlaryň önümçiligini ýola goýmagy meýilleşdirýär. Robotlaşdyrylan ulgamlary işläp taýýarlamak we türgenleşdirmek üçin bilelikdäki kärhananyň we “maglumatlar fabrikasynyň” döredilmegine garaşylýar diýip, Gazagystanyň Sanly ösüş, innowasiýa we aerokosmos senagaty ministrliginiň metbugat relizinda habar berilýär.
Gazagystanyň ministrligi bilen hyzmatdaşlygyň çäklerinde kompaniýa robotlary öndürmek we emeli aň pudagynda çözgütleri durmuşa geçirmek üçin bilelikdäki kärhanany açmagy meýilleşdirýär.
AgiBot 2023-nji ýylyň fewral aýynda döredildi we umumy maksatly robotlaryň önümçiligine ýöriteleşýär. 2024-nji ýylyň dekabr aýynda Şanhaýda önümçilik 1000 birlige ýetdi. Kompaniýa EA we robototehnika ugrunda tehnologiýalary işjeň ösdürip, senagatdan başlap, öý zerurlyklaryna çenli dürli ugurda çözgütleri hödürleýär.
Gazagystan önümçiligi lokallaşdyrmak we mümkin bolan eksport üçin ilkinji ýurt hökmünde saýlandy. Hyzmatdaşlygyň çäklerinde robotlary we robotlaşdyrylan ulgamlary türgenleşdirmek üçin niýetlenen “maglumatlar fabrikasyny-da” işe girizmek meýilleşdirilýär.
