2025-nji ýylyň Nobel baýraklarynyň laureatlarynyň atlary 6 – 13-nji oktýabrda Stokgolmda we Osloda yglan ediler. Bu barada Nobel gaznasynyň metbugat relizinde habar berilýär.
Karolinska institutynyň ýanyndaky Nobel komiteti 6-njy oktýabrda fiziologiýa we lukmançylyk, Patyşalyk ylymlar akademiýasynyň Nobel komitetleri bolsa 7-nji we 8-nji oktýabrda, degişlilikde, fizika hem-de himiýa boýunça laureatlaryň adyny yglan eder.
9-njy oktýabrda Şwed akademiýasy edebiýat ugrunda bu baýraga mynasyp bolan adamy mälim eder. Parahatçylyk boýunça Nobel baýragynyň eýesi 10-njy oktýabrda Osloda belli bolar. Ony Norwegiýanyň Nobel komiteti yglan eder.
Alfred Nobeliň hatyrasyna Şwesiýanyň döwlet bankynyň baýragynyň eýesi 13-nji oktýabrda belli bolar. Ol Stokgolmda Patyşalyk ylymlar akademiýasynyň ýanyndaky ykdysadyýet boýunça Nobel komiteti tarapyndan atlandyrylar.
