Režissýor Taýka Waýtiti özüniň «Klara we Güneş» («Клара и Солнце») atly ylmy-fantastiki dramasynyň ýakyn wagtda ekranlara çykjakdygyny mälim etdi. Bu film Nobel baýragynyň eýesi Kadzuo Isiguronyň adybir romany esasynda surata düşürildi.
Onda baş keşbi «Uensdeý» serialy arkaly tanalýan Jenna Ortega janlandyrýar.
Waýtiti filmiň premýerasy şu ýyla meýilleşdirilýär, emma takyk möhletleri we görkeziliş formaty häzirlikçe belli däldigini aýdýar.
Režissýor Screen neşirine beren interwýusynda: «Biz şu wagt Sony kompaniýasy bilen filmiň haçan we nirede görkeziljekdigini maslahatlaşýarys, festiwallar we şuna meňzeş çäreler barada oýlanýarys» diýip gürrüň berdi.
Romandaky wakalar ýakyn geljekde bolup geçýär. Eseriň mazmunya görä, dünýäde dymma, kän bir ile goşulyp bilmeýän ýekemen ýetginjekler bilen gürleşmek üçin niýetlenen robotlar satylýan dükan bar. Klara atly robot hem witrinadan adamlary synlaýar we soňra saglyk ýagdaýy agyr bolan bir gyzjagaza «jora» bolýar.
Filmde şeýle-de Emi Adams, Stiw Buşemi we Nataşa Lionn ýaly aktýorlar surata düşdüler. Ssenariýasyny mundan ozal «Akylsyzlar» («Безумцы») serialynyň üstünde işlän Dawi Woller taýýarlady.
Nobel baýragynyň eýesi Kadzuo Isiguronyň «Klara we Güneş» romany ekrana geçirilýär
- 28.01.2026 09:50
- 2.2k+
