3-nji fewralda Moskwada Russiýa Federasiýasynyň daşary işler ministri Sergeý Lawrowyň Russiýada akkreditirlenen GDA agza döwletleriň ilçileri bilen däp bolan duşuşygy geçirildi. Duşuşyga Türkmenistanyň Moskwadaky ilçisi E.Aýdogdyýew, şeýle hem Arkalaşygyň Baş sekretary Sergeý Lebedew hem gatnaşdy.
Çäräniň dowamynda 2024-nji ýylda Russiýanyň baştutanlygynda GDA formatyndaky hyzmatdaşlygyň netijeleri jemlendi. Daşary syýasaty utgaşdyrmagy mundan beýläk-de pugtalandyrmaga we söwda-ykdysady, medeni-ynsanperwer, şeýle hem howpsuzlyk ulgamyndaky hyzmatdaşlygy ýokarlandyrmaga üns çekilip, 2025-nji ýyl üçin esasy wezipeler kesgitlenildi.
Duşuşyga gatnaşyjylar häzirki ählumumy we sebitleýin mozwuklar boýunça pikir alyşdylar. Bu ýyl Täjigistanyň GDA-da başlyklyk etmeginde ileri tutulýan ugurlaryna ähmiýet berildi.
