Türkmenistan YHG-nyň daşary işler ministrleriniň orunbasarlarynyň duşuşygynda başlangyçlaryny öňe sürdi

  • 04.02.2025 13:10
  • 3.8k+

3-nji fewralda Türkmenistanyň daşary syýasat edarasynyň başlygynyň orunbasary Ahmet Gurbanowyň ýolbaşçylygyndaky türkmen wekiliýeti Tähranda geçirilen Ykdysady Hyzmatdaşlyk Guramasyna (YHG) agza ýurtlaryň daşary işler ministrleriniň orunbasarlarynyň ýokary derejeli komitetiniň mejlisine gatnaşdy.

YHG agza döwletleriň diplomatlary bilen bir hatarda bu duşuşyga sebit guramalarynyň ýolbaşçylary, ýöriteleşdirilen edaralaryň we guramanyň düzüm birlikleriniň wekilleri gatnaşdy. Duşuşykda maliýe-býujet hyzmatdaşlygyna, «YHG garaýşy - 2025-i» durmuşa geçirmäge we guramanyň iş usullaryny kämilleşdirmäge esasy üns berildi.
Mejlisde çykyş eden A. Gurbanow Türkmenistanyň sebitleýin hyzmatdaşlygy ösdürmäge ygrarlydygyny nygtady. Ol YHG-nyň ösüş strategiýasy boýunça birnäçe teklipleri hödürledi, hususan-da, Durnukly ulag baglanyşyklarynyň Ählumumy atlasyny döretmek, Ählumumy energetika howpsuzlygy boýunça bileleşik döretmek we aýlanyşykly ykdysadyýete geçmek başlangyçlaryny orta atdy.
Mundan başga-da, türkmen diplomaty YHG Söwda ylalaşygynyň netijeli durmuşa geçirilmeginiň möhümdigini belledi.
Mejlisiň çäklerinde A. Gurbanowyň YHG-nyň baş sekretary Asad Madjid Han bilen gysga duşuşygy bolup, onda Türkmenistanyň YHG bilen köpugurly hyzmatdaşlygynyň häzirki ýagdaýy we geljekki mümkinçilikleri ara alnyp maslahatlaşyldy.


düýn 17:40
8.3k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...

düýn 07:32
6.8k+

Antoniu Guterriş Türkmenistanyň Prezidentine hoşallygyny beýan edip hat ýazdy

Birleşen Milletler Guramasynyň Baş sekretary Antoniu Guterriş Türkmenistanyň Prezidenti Serdar Berdimuhamedowa Awazada BMG-niň maslahatynyň üstünlikli geçirilmegine hoşallyk bildirip hat iberdi. Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahaty 2025-nji ýylyň 5 — 8-nji awgustynda geçirildi...

27.08.2025 16:43
6.6k+

6-njy sentýabrda Aşgabatda hukuk meseleleri boýunça raýatlaryň jemgyýetçilik kabul edişligi bolar

6-njy sentýabrda Aşgabatda Türkmenistanyň Adalat ministrliginiň binasynda hukuk meseleleri boýunça raýatlaryň jemgyýetçilik kabul edişligi geçiriler. Bu barada «Neýtralnyý Türkmenistan» gazeti habar berýär. Jemgyýetçilik kabul edişligine Türkmenistanyň Adalat ministrliginiň, Baş prokuraturasynyň, Ýokary kazyýetiniň işgärleriniň we Aşgabat şäher adwokatlar kollegiýasynyň agzasy gatnaşar...

27.08.2025 16:22
5.8k+

Türkmenistanyň Prezidenti Moldowany Garaşsyzlyk güni bilen gutlady

Prezident Serdar Berdimuhamedow Moldowa Respublikasynyň Prezidenti hanym Maýýa Sanduwа we ýurduň ähli halkyna Moldowa Respublikasynyň Garaşsyzlyk güni mynasybetli tüýs ýürekden gutlaglaryny hem-de iň gowy arzuwlaryny iberdi...