Türkmenistanyň Döwlet daşary ykdysady iş banky “Galkynyş” töleg ulgamyny işläp taýýarlamak babatda degişli işler geçirdi. Bu barada wise-premýer H.Geldimyradow 31-nji ýanwarda Hökümet mejlisinde habar berdi.
Wise-premýer şeýle hem bank işiniň täze usullaryny ornaşdyrmak babatda geçirilýän işler barada aýtdy.
Bellenilişi ýaly, “Galkynyş” töleg ulgamynyň ornaşdyrylmagy edaralardyr şahsy taraplar üçin döwrebap hem-de ýokary hilli menzilara bank hyzmatlaryny hödürlemäge, olaryň gerimini giňeltmäge, bank işiniň netijeliligini artdyrmaga ýardam berer. Şunuň bilen baglylykda, wise-premýer Türkmenistanyň Prezidentiniň garamagyna degişli teklibi hödürledi.
Serdar Berdimuhamedow Döwlet daşary ykdysady iş bankynda ornaşdyrylmagy meýilleşdirilýän “Galkynyş” töleg ulgamy bilen bagly teklibi makullap, wise-premýere degişli işleri geçirmegi tabşyrdy.
