National Geographic Creative Works we Prada modalar öýi iňlis aktýory Benedikt Kamberbetçiň gatnaşmagynda gysga metražly filmlerini surata düşürdi. Wideolarda adam işjeňliginiň deňiz ekoulgamlaryny gorap saklamaga edýän täsiri barada aýdylýar. Film Norwegiýanyň Budýo şäherinde surata düşürildi.
Şeýle hem filmlerde modanyň daşky gurşawyň oňyn üýtgemegine nähili goşant goşup biljekdigi öwrenilýär.
Taslamanyň täze sany kit ýaly umman süýdemdirijileriniň aragatnaşyk we nawigasiýa üçin sesleri nähili ulanýandyklary barada gürrüň berýär. Barlaglar kitleriň maýyl ediji aýdymlarynyň ummanyň tutuş basseýnlerinden geçip, uzak aralyklara gidip bilýändigini görkezýär.
Prada Re-Naýlon kolleksiýasy arkaly ummany goramak boýunça başlangyçlary goldaýar. Kolleksiýa üçin önümler ummanlardan we zir-zibil dökülýän ýerlerden tapylan gaýtadan işlenen materiallardan, şol sanda plasmassadan ýasalýar. Olaryň satuwyndan alnan girdejiniň 1% -i ummany öwreniş we tebigaty goramak meseleleri barada habardarlygy ýokarlandyrýan Sea Beyond bilim beriş maksatnamasyna gönükdirilýär. Bu maksatnama YUNESKO-nyň hökümetara ummany öwreniş topary bilen bilelikde durmuşa geçirilýär.
Taslamanyň işine aktrisa Sedi Sink, ummany goramagyň üstünde işleýän alymlar we aktiwistler hem gatnaşýarlar.
