Britaniýaly aktrisa we model, «Gaty geň zatlar» («Очень странные дела») serialynyň ýyldyzy Milli Bobbi Braun Mills by Millie Bobby Brown atly egin-eşik brendini çykardy. Fashion Network neşiriniň habaryna görä, brendiň önümleri diňe Walmartyň ABŞ-daky dükanlarynda satylýar.
Brende Delta Galil USA kompaniýasy hem hyzmatdaşlyk etdi. Aktrisanyň özi bolsa ony esaslandyryjy we döredijilik direktory boldy.
Taslamanyň maksady ýaşlara öz stillerini tapmaga kömek edýän elýeter bahaly egin-eşikleri döretmek bolup durýar. Braun muny «Men hemmeleriň özüni rahat we erkin duýmagyny isledim» diýmek bilen has-da anyk düşündirýär.
Ilkinji toplum gündelik eşikleri, jinsi we içki geýimlerinden ybarat. Dekoratiw bezegler gelişdirilen egin-eşikler ýönekeý hem rahat görnüşde tikilendigi bilen tapawutlanýar. Käbir köýnekleriň içine şortlaryň dakylmagy-da bu aýdylanlary tassyklaýar.
