Louis Vuitton özüniň meşhur monogrammasynyň 130 ýyllygyny Zendeýa we moda öýi bilen işleşýän beýleki ýyldyzlaryň gatnaşmagyndaky kampaniýa bilen baýram etmegini dowam edýär. WWD neşirinde habar berilşine görä, bu mowzukdaky mahabatlar üçin fotosuratlary düşürýän Glen Laçford, gysga göwrümli filmleriň awtory bolsa meşhur režissýor Roman Koppola.
Zendeýa şeýle gysgajyk mahabatlaryň birinde 1930-njy ýylda döredilen «Speedy» sumka modeli bilen çykyş edýär. «Men seniň bilen özümde tizlige tarap okdurylyşyma meňzeş nähilidir bir tanyş duýgyny başdan geçirýän. Belki-de, özüneçekijilik umumy herekete garylyp, hiç zada garaşman, diňe öňe tarap bilelikde ýüwrüp gitmekdedir» diýip, aktrisa wideoda köp zenanlaryň arzuwy bolan sumka hakda hyýal ýüwürdýär.
Zendeýa 2023-nji ýylda Louis Vuitton-yň ambassadory bolupdy.
LV kampaniýanyň ikinji bölegini 11-nji fewralda çykarar. Onda fransuz aktrisasy Katrin Denýow «Alma» sumkasy, hytaý-amerikan aktrisasy Lýu Ifeý «Noé» bedre-sumkasy, Günorta Koreýaly model we aktrisa Çon Ho-ýon bolsa «Neverfull» tout-sumkasy bilen çykyş ederler.
Brend 2026-njy ýylyň dowamynda monogrammanyň ýubileýine bagyşlanan uly göwrümli çäreleri, şol sanda mahabat kampaniýalaryny, pop-ap we beýleki garaşylmadyk sowgatlary meýilleşdirýär.
Zendeýa Louis Vuitton-yň mahabat kampaniýasynyň ýüzi boldy
- şu gün 00:28
- 190
