Louis Vuitton fransuz modalar öýi 2026-njy ýylyň Pasha baýramyna bagyşlanan Pasha süýji önümleri kolleksiýasynyň çykaryljakdygyny yglan etdi. Satuwlar 13-nji martda başlaýar.
Bu setir üç önümi öz içine alar: Egg Bag we mini Egg Bag görnüşindäki şokolad önümleri, şeýle hem towuk jüýjesiniň şekiljigi.
Kolleksiýa brendiň Nýu-Ýorkdaky Le Chocolat Maxime Frederic süýji önümleri bölüminiň ýerleşýän dükanynda görkeziler. Pasha baýramynyň täze tagamlary süýjülikleriň baş ussady Maksim Frederik tarapyndan döredildi.
2025-nji ýylda ol eýýäm Louis Vuitton üçin 70% şokoladdan ýasalan iýilýän torbalary döredipdi. Şol wagt her torba 225 ýewro, şokolad ýumurtgalarynyň toplumy bolsa 40-70 ýewro aralygyndaky bahadan satylýardy.
Täze Pasha önümleriniň bahalary heniz mälim edilmedi. Kolleksiýanyň tanyşdyrylyşy bilen birlikde, Manhetten butikinde üýtgeşik baýramçylyk gaplamalary we süýjülikleriň täze görnüşleri görkeziler.
