Netflix ýanwar aýynyň ahyrynda şu ýylyň iň esasy relizleriniň anonsy bilen gysga wideo çykardy. Aýratynam, akym platformasy “Kalmar oýnunyň” üçünji möwsüminiň 27-nji iýunda çykjakdygyny tassyklady.
Wideoda geljekki filmlerden we seriallardan täze kadrlar ýok. Esasy sýužet “Kalmar oýny”, “Gaty geň işler”, “Uensdeý”, “Jadygöý” we “Kobra Kaý” ýaly meşhur franşizalaryň dünýäsine düşýän ofis işgäriniň töwereginde ýaýbaňlanýar. Tanyşdyryş “Siz muňa taýýar däl” jümlesi bilen tamamlanýar.
2025-nji ýylyň esasy premýeralarynyň seneleri:
- 11-nji fewral – “Jadygöý: Çuňlugyň suw perileri” atly animasion fentezi (Ведьмак: Сирены глубин)
- 13-nji fewral – “Kobra Kaýyň” (Кобра Кай) jemleýji möwsümi
- 14-nji mart – Milli Bobbi Braun we Kris Pratt bilen doganlar Russonyň “Elektrik ştat” (Электрический штат) filmi
Ýaz – Tom Hardi bilen “Weýrançylyk” (Разрушение)
- 30-njy maý – Jeki Çan bilen “Karateçi oglanjyk: Ussatlar” (Каратэ-пацан: Легенды)
- 27-nji iýun – “Kalmar oýnunyň” (Игра в кальмара) üçünji möwsümi
- 2-nji iýul – Şarliz Teron bilen “Ölmez gwardiýa-2” (Бессмертная гвардия-2)
Güýz:
- Jorj Kluniniň gatnaşmagynda Noa Baumbahyň “Jeý Kelli” (Джей Келли) komediýasy
- “RIP” – Ben Afflek bilen Mett Deýmonyň soňky bilelikdäki filmi
- “Pyçagy çykarmak: Oýan, öli” (Достать ножи: Проснись, мертвец) detektiwi
- Kira Naýtli bilen “Onunjy belgili kaýutadaky gyz” (Девушка из каюты № 10) trilleri
Noýabr – Oskar Aýzek bilen Jeýkob Elordiniň gatnaşmagynda Gilýermo del Toronyň “Frankenşteýn” (Франкенштейн) filmi
- Ýylyň ahyry – “Gaty geň işler” (Очень странных дел) serialynyň jemleýji möwsümi
“Uensdeýiň” (Уэнсдэй) ikinji möwsüminiň senesi näbelli bolup galdy.
