Dünýäniň elektromobil bazary okgunly depginde ösmegini dowam etdirýär. Rho Motion gözleg kompaniýasynyň çaklamalaryna görä, 2025-nji ýylda doly elektrik we birikdirilýän gibrid awtomobilleriň satuwy 17% ýokarlanyp, 20 million birlikden geçer. Bu barada Reuters agentligi habar berýär.
Bu öňegidişlikde möhüm roly Hytaý ýerine ýetirer. Bu ýerde 2024-nji ýylda ösüş 40% boldy, satuw bolsa 11 mln awtoulaga ýetdi. 2025-nji ýylda ösüşiň çak edilýän 17%-den ýokary bolmagyna garaşylýar.
Hytaý elektromobilleri 80%-den gowrak bazar paýy bilen Latyn Amerikasynda agdyklyk etmegini dowam etdirýär. Olar Aziýa-Ýuwaş umman sebitinde we ösýän bazarlarda hem giňden ýaýraýar.
Ýewropada satuwyň ösmegine 2025-nji ýyldan güýje girýän CO2 žyňyndylary boýunça düzgünleriň berkemegi täsir edýär. Bu öndürijileri täze talaplara uýgunlaşmaga iterýär. Bu ýerde geçen ýyl satylan 3 mln elektromobil bilen deňeşdirilende 15% ösüşiň bolmagyna garaşylýar.
ABŞ, tersine, näbellilik bilen ýüzbe-ýüz bolýar. Donald Trampyň administrasiýasy elektrikleşdirmek maksatlaryna şübheli garaýar, bu hem bazar üçin uzak möhletleýin töwekgelçilikleri döredýär. Muňa garamazdan, 2025-nji ýylda elektromobil satuwynyň 16% ýokarlanmagyna garaşylýar.
Uzak möhletli geljekde Rho Motion 2040-njy ýyla çenli ABŞ-da elektromobil batareýalaryna bolan islegiň 47% peselmegine garaşýar.
