27-nji ýanwarda dünýäniň iň baý 500 adamynyň umumy baýlygy tehnologiýa kompaniýalarynyň paýnamalarynyň pese gaçmagy netijesinde 108 mlrd dollar azaldy. Munuň sebäbi Hytaýyň DeepSeek kompaniýasy tarapyndan döredilen DeepSeek-R1 çat-boty boldy diýip, Bloomberg habar berýär.
Agentligiň maglumatlaryna görä, Nvidia-nyň esaslandyryjysy Jensen Huang öz baýlygynyň 20%-ini ($20,1 mlrd) ýitirdi, indi ol 101 mlrd dollar diýlip hasaplanýar. Nvidia-nyň paýnamalary tas 18% pese gaçdy, kompaniýa bazar bahasyndan 600 mlrd dollar ýitirdi. Netijede, ol dünýäniň iň gymmat kompaniýasy bolmagyny bes etdi – indi Apple bilen Microsoft öňde.
Oracle-yň esaslandyryjylarynyň biri Larri Ellison 22,6 mlrd dollar ýitirdi, bu onuň baýlygynyň 12%-ine deňdir. Dell kompaniýasyny esaslandyryjy Maýk Dell 13 mlrd dollar, Binance-i esaslandyryjy Çanpen Çžao bolsa 12,1 mlrd dollar ýitirdi.
NASDAQ Composite indeksi 3,1%, S&P 500 1,5% pese gaçdy.
