Italiýanyň hökümeti zawodlaryň köpçülikleýin ýapylmagy bilen ýüzbe-ýüz bolan moda pudagyny goldamak üçin 250 million ýewro bölüp berýändigini yglan etdi. Maliýe serişdeleri kompaniýalaryň durnuklylygyny üpjün etmek üçin ulanylar diýip, Ykdysady ösüş ministri Adolfo Urso aýtdy.
WWD-niň maglumatlaryna görä, maliýe kömegi kompaniýalaryň ösüşini höweslendirmek üçin “anyk gurallaryň” üsti bilen berler. Camera Moda birleşiginiň prezidenti Karlo Kapasa maliýe serişdeleriniň bölünip berilmegini "peýdaly, ýöne aýgytly ädim däl" diýip atlandyrdy we has giň möçberli goldawyň zerurdygyny nygtady.
Italiýada moda pudagy 2023-nji ýylyň ýazyndan bäri pese gaçyşlygy başdan geçirýär. Toskana we Marke ýaly esasy sebitler sargytlaryň ýatyrylmagy bilen ýüzbe-ýüz bolýar. 2024-nji ýylda ýagdaý ýaramazlaşdy, ýylyň ilkinji aýlarynda diňe Toskananyň özünde 300-den gowrak kompaniýa işlemegini bes etdi. Mysal üçin, Bally brendi deri önümleri fabrigini ýapdy.
