FX «Keseki: Ýer» (Чужой: Земля) serialynyň täze tizer-treýlerini hödürledi. Täze serial şu ýylyň tomus aýlarynda görkezilip başlanar diýip, Space.com habar berýär.
Wakalar 2120-nji ýyllarda Ýerde bolup geçýär. Baş gahryman hökmünde bir çaganyň aňyna we bir gyzyň bedenine eýe Wendi atly gibrid meta-adam çykyş edýär. Tälimçi Kirş, Wendini ksenomorflar (özge planetaly jandarlar) bilen boljak söweşe taýýarlaýar.
Serialyň awtory Noa Houli bolup durýar. Keşpleri Sidni Çandler, Timoti Olifant, Aleks Louter, Essi Dewis we beýleki artistler ýerine ýetirýär. Ilkinji «Keseki» (Чужой) filminiň döredijisi Ridli Skott bu serialyň prodýuseri hökmünde çykyş edýär.
Iň soňky «Keseki» filmi bolan «Romul» (Чужой: Ромул) 2024-nji ýylyň awgust aýynda prokata çykyp, dünýä boýunça 350 million dollar girdeji gazanypdy. Şeýle hem ol iň gowy wizual effektler boýunça «Oskar» baýragyna dalaşgär görkezilipdi. Disney we 20th Century Studios häzirki wagtda bu taslamanyň dowamynyň üstünde işleýär.
