Garyşyk stiliň belli russiýaly söweşijileri Habib we Usman Nurmagomedowlar Abu-Dabide (BAE) geçirilen PFL ýaryşyndan soň Angliýanyň “Mançester Ýunaýted” futbol klubundan atly köýnekçeleri sowgat aldy. Şeýle köýnekçe ýeňilmezek russiýaly söweşiji Ibragim Ibragimowa hem sowgat berildi.
“Habibiň goldaw bermeginde Ibragim Ibragimowyň we Usman Nurmagomedowyň dueti üçin üstünlikli dynç güni” – diýip, “Mançester Ýunaýted” sosial ulgamlardaky resmi akkauntynda ýazdy we söweşijileriň köýnekçeli suratlaryny ýerleşdirdi.
Köýnekçelerdäki belgiler olaryň professional karýeralarynda gazanan ýeňişleriniň sanyny görkezýär.
Ýatlap geçsek, geçenki PFL ýaryşynda Usman Nurmagomedow irlandiýaly Pol Hýuza garşy söweşdi. Bäş raund dowam eden söweşiň netijesinde Usman emin agzalarynyň tapawutly karary bilen ýeňiş gazanyp, ýeňil agramda (70 kg çenli) çempion titulyny gorady.
Ýarym ýeňil diwizionda (65 kg çenli) çykyş edýän Ibragim Ibragimow irlandiýaly Kenni Mohonoanadan üstün çykdy.
