Geçen ýyl çykan “Godzilla we Kong: Täze imperiýa” filminiň üstünliginden soň, Legendary studiýasy “Nägehanlar äleminde” Godzilla bilen Kong üçin täze başdangeçirmeleri taýýarlaýar. Ýöne filmiň resmi ady heniz belli däl diýip, Deadline habar berýär.
Soňky maglumatlara görä, franşizanyň üçünji filminiň režissýory Grant Sputore bolar. Rollaryň birini “Bizden soňkular” (The Last of Us) serialynyň ikinji möwsüminde-de peýda boljak Keýtlin Dewer ýerine ýetirer. Habar berlişi ýaly, täze lentada diňe bir Godzilla bilen Kong däl, eýsem başga bir titanlar hem peýda bolar. Ýöne bu gezek filmi döredijiler adamlaryň we ägirt nägehanlaryň hereketlerini deňagramlaşdyrmak üçin adam personažlaryna aýratyn üns bermegi meýilleşdirýär.
Kong bilen baglanyşykly öňki filmlerde adamlara düýpli orun berilmeýärdi. Ýöne prikwel we sikwel bolan Apple-iň “Monarh” serialy nägehanlaryň hereketleri bilen bir hatarda adamlaryň hem gatnaşmagynda gyzykly wakalary döredip boljakdygyny görkezdi. Täze film bu tendensiýany dowam etdirip, tomaşaçylara hem adamlar, hem nägehanlar barada täsirli wakany hödürlemegi wada berýär.
