24-nji ýanwarda Daşkent şäherinde Türkmenistanyň Halk Maslahatynyň Başlygy Gurbanguly Berdimuhamedowyň «Hakyda göwheri» atly kitabynyň özbek dilindäki neşiriniň tanyşdyrylyş dabarasy geçirildi. Bu barada Türkmenistanyň daşary syýasat edarasy habar berdi.
Dabara Özbegistanyň Prezidentiniň ýanyndaky Döwlet dolandyryş akademiýasynyň binasynda geçirildi.
Tanyşdyrylyş dabarasyna Özbegistan Respublikasynyň Prezidentiniň ýanyndaky Howpsuzlyk Geňeşiniň Sekretarynyň orunbasary, Özbegistan Respublikasynyň Prezidentiniň Daşary syýasy meseleler boýunça ýörite wekili, Türkmenistanyň Hormatly il ýaşulusy Abdulaziz Kamilow, Özbegistan Respublikasynyň Prezidentiniň ýanyndaky Döwlet dolandyryş akademiýasynyň, Ýazyjylar birleşiginiň, Ylymlar akademiýasynyň, Respublikan türkmen medeniýet merkeziniň, ministrlikleriniň ýolbaşçylary, senatorlar we deputatlar, metbugat neşirleriniň baş redaktorlary, Özbegistanyň ýokary okuw mekdepleriniň rektorlary, professor-mugallymlary we talyplary, şeýle-de türkmen diasporasynyň we özbek KHBS-niň wekilleri gatnaşdylar.
Öz çykyşlarynda çärä gatnaşyjylar kitabyň özbek dilinde neşir edilmeginiň türkmen-özbek gatnaşyklarynyň hemmetaraplaýyn berkidilýändiginiň, iki halkyň dostlugynyň pugtalanýandygynyň nobatdaky subutnamasy bolup durýandygyny belläp geçdiler.
