Audi RS7 modeliniň “zarýadlanan” görnüşini öz içine aljak A7-niň täze nesliniň üstünde işleýär. Modeliň şu ýylyň ahyrynda ýa-da indiki ýylyň başynda peýda bolmagyna garaşylýar. Ilki uniwersal kuzowly wersiýasy (Avant) çykar.
Täze RS7 goşa turbo görnüşli 4,0 litrlik V8 hereketlendirijisini ýitirer. Munuň ýerine V6 esasly gibrid gurluş ulanylar. Bu karar Audi-niň kem-kemden elektrikleşdirilen güýç gurluşyna geçmek meýilnamasy bilen baglanyşykly.
RS7-niň esasy wersiýasy 725 at güýjüni, has güýçli RS7 Performance-yň öndürijiligi bolsa 800 at güýjüni öndürer. Täze nesil RS5 hem şuňa meňzeş gibrid gurnama alar, ýöne az güýji bilen - 600 at güýji. Işleýşindäki tapawut elektrik bölegini sazlamak arkaly gazanylar. Elektrik komponenti wagtlaýynça 50 at güýjüni artdyryp biler.
Tehnologiki taýdan täze elektrik gurluşy Audi-niň “Formula 1” üçin işläp taýýarlaýyşlary bilen baglanyşykly, onda gibrid V6 taýýarlanýar. Audi F1 awtoulagynyň ilkinji çykmaly wagty 2026-njy ýylda meýilleşdirilýär, täze RS7-iň çykmaly wagty hem şoňa gabatlanylar.
