Google ChromeOS-a ulanyjylar üçin amatly we platformanyň elýeterliligini ýokarlandyrýan birnäçe täze aýratynlyklary girizdi. Şolardan biri, kompýuteri ýüzüň mimikasy (hereketi) arkaly dolandyrmaga mümkinçilik berýär diýip, The Verge neşiri habar berýär.
Bu emeli aň esasly aýratynlyk, hereket ukyby çäkli adamlara niýetlenip, 2024-nji ýylyň dekabr aýynyň başynda tanyşdyrylypdy. Bu aýratynlyk indi has giň ulanyjylar köpçüligi üçin elýeterli boldy. Täze aýratynlygy ulanmak üçin 8 GB ýa-da ondan köp operatiw ýat (RAM) bilen üpjün edilen Chromebook enjamlary zerur bolup durýar.
Mugallymlar we okuwçylar üçin niýetlenen noutbuklardan başga-da, Google «Class Tools» atly täze ChromeOS aýratynlyklar toplumyny hödürledi. Täze aýratynlyklar okuwlarda bilim bermek üçin niýetlenendir. Bu serişdeler mugallymlara şol bir wagtda okuwçylaryň noutbuklarynyň ekranlaryny dolandyrmaga, olaryň enjamlarynyň ekranlarynda mazmunlary görkezmäge, olar üçin subtitrleri ýa-da terjimeçi programmalary işjeňleşdirmäge, okuwçylaryň ýerine ýetiren öý işlerine uzakdan gözden geçirmäge we okuwçynyň işini tutuş synp bilen paýlaşmaga mümkinçilik berýär.
