ÝB-de energiýa öndürmekde gün energiýasy ilkinji gezek kömürden geçdi

  • 25.01.2025 15:27
  • 1.2k+

Ember howa seljeriş merkeziniň maglumatlaryna görä, 2024-nji ýylda Ýewropa Bileleşiginde gün panelleri umumy elektrik energiýasynyň 11%-ini, kömür bilen işleýän elektrik stansiýalary bolsa 10%-ini öndürdi. Elektrik öndürmekde tebigy gazyň paýy bolsa bäş ýyl bäri yzygider azalyp 16%-e çenli peseldi diýip, The Guardian neşiri habar berýär.

«Bu sepgit örän möhümdir. Kömür – elektrik öndürmegiň iň köne usuly, emma şol bir wagtyň özünde hem iň hapasy. Gün energiýasy bolsa, ösüp barýan ýyldyzdyr» diýip, hasabatyň awtorlarynyň biri Beatris Petrowiç aýdýar.

Hasabatda 2024-nji ýylda kömüri ulanýan 17 ýurduň 16-synda kömrüň paýynyň azalandygy barada bellenilip geçilýär. Ýewropada kömri iň köp ýakýan iki ýurt bolan Germaniýa we Polşa, arassa energiýa çeşmelerine geçiş eden ýurtlaryň hataryna goşuldy.
Şeýle-de hasabatda, tebigy gazdan peýdalanýan 26 ýurduň 14-sinde «gurluşlaýyn pese gaçyşyň» dowam edýändigi barada aýdylýar.
Maglumatlara görä, 2024-nji ýylda gün energiýasynyň kuwwaty 338 GWt-a ýetdi we eger häzirki ösüş depgini saklansa, 2030-njy ýyldaky 750 GWt maksadyna «ýetilip bilner».
Hasabatyň awtorlary batareýalara, akylly hasaplaýjylara hem-de günüň dowamynda üýtgäp durýan we täzelenýän energiýa üpjünçiligini isleg bilen utgaşdyryp biljek beýleki «arassa çeýeligi» üpjün edýän tehnologiýalara maýa goýmaklygy teklip edýärler.


27.08.2025 15:55
4.2k+

Afrika Hytaýdan rekord mukdarda Gün panellerini satyn aldy

2025-nji ýylda Afrika ýurtlary Hytaýdan geçen ýylkydan has köp Gün panellerini satyn aldylar. Diňe maý aýynda yklym umumy kuwwaty 1,57 GWt bolan panelleri import etdi, bu bolsa taryhy maksimum boldy. Şol bir wagtyň özünde, bu ösüş ýigrimi töweregi kiçi ýurt tarapyndan amala aşyryldy diýip, Wired habar berýär...

23.08.2025 07:59
12k+

Gurbanguly Berdimuhamedow türkmen elektrik energiýasyny Azerbaýjana we Ýewropa ibermek mümkinçilikleri barada aýtdy

22-nji awgustda “Awazada” geçirilen «Türkmenistan — Azerbaýjan — Özbegistan» formatyndaky üçtaraplaýyn duşuşygyň barşynda türkmen halkynyň Milli Lideri Gurbanguly Berdimuhamedow birnäçe başlangyçlar bilen çykyş etdi...

07.08.2025 22:58
4.7k+

Türkmenistanyň daşary işler ministriniň orunbasary ÝB-niň Merkezi Aziýa boýunça ýörite wekili bilen duşuşdy

7-nji awgustda BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäginde Türkmenistanyň daşary işler ministriniň orunbasary Ahmet Gurbanow ÝB-niň Merkezi Aziýa boýunça Ýörite wekili Eduards Stipraýsyň ýolbaşçylygyndaky Ýewropa Bileleşiginiň wekiliýeti bilen duşuşdy...

26.07.2025 09:26
5.4k+

Türkmenistanda energetika desgalarynda meýilnamalaýyn esasda abatlaýyş işleri geçirilýär

Türkmenistanyň Energetika ministrligi tarapyndan elektrik stansiýalarynda, dürli güýjenmeli asma elektrik geçiriji ulgamlarda, beketlerde meýilnamalaýyn esasda abatlaýyş işleri ýerine ýetirildi. Bu barada wise-premýer B...