Koreý drama serialy bolan «Kalmar oýnuna» 23-29-njy dekabr aralygyndaky hepdäniň dowamynda, diňe ABŞ-da jemi 4,9 milliard sagat tomaşa edildi. Serialyň ikinji möwsüminiň 26-njy dekabrda çykandygyny, bu hasaplamalaryň tutuş hepdäni öz içine almaýandygyny bellemek gerek. Bu barada Nielsen seljeriş agentligine salgylanyp, Variety neşiri habar berýär.
Şeýlelik bilen, bir hepdäniň dowamynda tomaşa edilmek sagatlarynyň jemi boýunça bu serial 2024-nji ýylyň iň meşhur serialy boldy. Bu görkezijiniň 900 million sagady birinji möwsüme, galan 4 milliard sagady bolsa ikinji möwsüme degişli. Ýene bir belläp geçmeli zat, bu sanlar diňe ABŞ-daky tomaşaçylara degişli. Serialyň dünýä boýunça görkezijileri has ýokarydyr.
Elbetde, tomaşaçylaryň sany 2025-nji ýylda hem artmaga dowam edýär.
Serialyň üçünji möwsüminiň şu ýylyň tomsunda çykmagyna garaşylýar.
