Nepalyň häkimiýeti daşary ýurtlular üçin Ewereste çykmak üçin tölegleri ýokarlandyryp, birnäçe çäreleri girizdi. Bu çäreler eňňitleriň zir-zibiller bilen hapalanmagyna we dünýäniň iň beýik depesinde bolup geçýän tötänleýin ýagdaýlara garşy göreşmäge gönükdirilýär diýip, ýurduň hökümetiniň çözgüdine salgylanyp, The Kathimandu Post habar berýär.
Täze düzgünlere görä, daşary ýurtlular üçin belentlige çykmak ýazky möwsümde (mart – maý) 11 müň dollardan 15 müň dollara, güýzki möwsümde (sentýabr – noýabr) 5,5 müň dollardan 7,5 müň dollara, gyşky möwsümde (dekabr – fewral) we ýagyşly möwsüm (iýun – awgust) 2,75 müň dollardan 3,75 müň dollara çenli artdyryldy.
Şeýle-de, Ministrler Kabineti beýikligi 8 müň metrden gowrak bolan ýurduň islendik dagyna, şol sanda Ewereste (günorta depesiniň beýikligi – 8760 m) çykmak üçin her iki alpinistiň ýanynda ýolbelediň bolmalydygyny karar etdi.
Resminama laýyklykda, ýazky möwsümiň gelmegi bilen alpinistler galyndylary gaýtadan işlemek üçin dagyň aşaky etegindäki lagere getirmeli, şeýle-de has ýokary nokatlarda galyndylary ýygnamak üçin bio-dargaýan paketleri ýanynda götermeli bolar.
