Instagram-da neşirleriň tertibi täze formatda, ýagny dörtburç şekile derek gönüburç görnüşde bolar. Täzelenme eýýämden girizildi diýip, sosial toruň ýolbaşçysy Adam Mosseri öz sahypasynda mälim etdi.
“Käbir adamlaryň dörtburç şekilleri diýseň halaýandygyňyzy bilýäs. Dörtburç suratlar Instagramyň özboluşly mirasydyr. Ýöne häzirki wagtda ýüklenen suratlaryň we wideolaryň aglabasy dik görnüşdedir. Olary gödek kesmek gynandyrýar” diýip, Mosseri düşündirdi.
Ol bu üýtgeşmäniň “az-owlak agyrylydygyny” kabul edýär, ýöne onuň tiz wagtda ýitip gitjekdigine ynanýar.
“Meniň pikirimçe, uzak geljekde adamlar suratlarynyň we wideolarynyň profillerinde meýilleşdirişleri ýaly görünýändigine we aşa köp gyrkylmandygyna begenerler” diýip, Mosseri aýtdy.
Instagram bu täzeligi 2024-nji ýylyň awgust aýynda synap başlady. Şol döwürde Mosseri, dörtburç şekilleriň Instagramyň başlangyç döwründen galandygyny, şol wagtlar ulanyjylaryň diňe 1:1 ölçegli suratlary ýükläp bilýändigini, bu çäklendirmäniň bolsa 2015-nji ýylda aýrylyp, ulanyjylara dürli ölçegdäki suratlary ýüklemek mümkinçiliginiň döredilendigini aýtdy.
