Hytaýly inženerler dünýäniň iň çalt robot itini döretdiler. Bu modele «Gara babyr 2.1» ady dakyldy. Ony Çžeszýan uniwersitetiniň inženerleri Jingshi Technology we Hangzhou Kaierda Welding Robot kompaniýalary bilen bilelikde döretdiler diýip, IT Home habar berýär.
Robotyň agramy 38 kilogram, beýikligi bolsa 64 santimetrdir. Onuň iň ýokary tizligi 36 km/sag. Deňeşdirsek, iň çalt adam hasaplanýan ýamaýkaly sprinter Useýn Bolt 43,5 km/sag tizlige ýetip, 100 metr aralygy bary-ýogy 9,58 sekuntda geçipdi.
«Gara babyryň» ýokary tizlige ýetmegi birnäçe tehnologiýanyň kömegi bilen mümkin boldy:
- Guýgensiň yrgyldawaç ýörelgesine esaslanýan aýak gurluşy hereketleriň utgaşygyny üpjün edýär;
- aýaklarynda ulanylan ýeňil we berk material (uglerod süýümi) hereketi has ýeňilleşdirýär;
- dyzyndaky ýaýjyklar amortizasiýany ýokarlandyrýar, bu bolsa robotyň ýerden batly böküp, ýeňil hem-de energiýa ýitirmezden ýene ýere gonmagyna mümkinçilik berýär;
- aýaklarynyň aşagyndaky “krossowkalar” (ýörite aýakgaplar) robotyň ýer bilen tutaşygyny 200% güýçlendirýär.
Alymlar, tebigy hereketleriň mümkinçiliklerinden üstün çykmak üçin, bu roboty kämilleşdirmäge dowam ederler.
