2024-nji ýylda Ýaponiýa, takmynan, 37 million syýahatçyny kabul etdi. Bu görkeziji 2019-njy ýyldan bäri iň ýokary derejä ýetdi. Şol ýyl 33,4 million adam Ýaponiýany görmäge barypdy. 2024-nji ýyldaky syýahatçylaryň sany 2023-nji ýyl bilen deňeşdirilende 47,1% artdy diýip, The Japan Times Ýaponiýanyň milli syýahatçylyk guramasyna salgylanyp habar berýär.
Syýahatçylaryň sanynyň köpelmeginiň sebäpleri, ýapon ýenasynyň hümmetiniň pese gaçmagy we Aziýa ýurtlary, şol sanda Hytaý bilen howa aragatnaşygynyň giňeldilmegidir. Hytaýdan gelen syýahatçylaryň sany iki esse diýen ýaly artdy we 7 milliona ýetdi. Emma muňa garamazdan, bu san pandemiýadan öňki 2019-njy ýylyň derejesinden henizem 27,2% pesdir. Günorta Koreýadan gelen syýahatçylaryň hem sany ep-esli ýokarlandypdyr.
Geçen ýylyň diňe dekabr aýynda Günüň dogýan ýurduna 3,5 million adam baryp görüpdir.
Daşary ýurtly myhmanlaryň umumy çykdajylary $51 milliard bolupdyr, bu bolsa 2023-nji ýyldaky görkezijiden 53,4% ýokarydyr. Iň köp çykdajy edenler Hytaýdan (21,3%), şeýle hem Taýwandan, Günorta Koreýadan, ABŞ-dan we Gonkongdan gelen syýahatçylar bolupdyr.
Ýapon häkimiýetleri 2030-njy ýyla çenli her ýyl 60 million syýahatçyny kabul etmegi maksat edinýär.
