Las-Wegasdaky CES 2025 sergisinde innowasion we özboluşly gurluşlar hödürlendi. The Verge neşiriniň ýazmagyna görä, myhmanlar adaty bolmadyk we hatda täsin robotlary, haýwanlar üçin aksessuarlary we hojalyk tehnikasyny ýada salýan zarýad beriji gurluşlary görüp bildiler.
Ine, iň gyzykly gurluşlardan 7 sanysy:
1. Yukai Engineering kompaniýasyndan Mirumi – torba berkidilýän leniwes şekilindäki utanjaň robot. Aragatnaşykda ol utanjaň çaga ýaly ýüzüni bukýar.
2. Swippitt kompaniýasyndan toster görnüşindäki zarýad beriji gurluş – telefonyň zarýady gutaran daşky akkumulýatoryny awtomatik taýdan zarýadly akkumulýator bilen çalyşýan gurluş. Ýöne bu diňe daşlygyň içine salynýan akkumulýatorlara degişlidir.
3. Ultrahuman-dan Rare – bahasy 1900 dollar bolan, 18 karat altyndan ýasalan akylly ýüzük. Ol elýeterli modelleriň ähli funksiýalaryny özünde jemleýär, ýöne has kaşaň görnüşde hödürlenýär.
4. LG-den AeroCatTower – hem howany arassalaýan, hem pişikler üçin agaç bolup hyzmat edýän gurluş. Ol ýörite pişikler üçin döredilip, öý haýwanyna oňaýsyzlyk döretmez ýaly howa akymyny awtomatik sazlap durýar – pişik düşege geçse, peselýär, gitse welin, güýçlenýär. Şeýle-de, gurluş pişikleriň agramyna we uky dowamlylygyna gözegçilik edip, maglumatlary LG ThinQ goşundysyna iberýär.
5. Anker-den zarýad beriji kurtka – bu Gün panelini özünde saklaýan dünýäde ilkinji kurtka bolup, gurluşlara USB-C arkaly zarýad berip bilýär.
6. Code 27-den Character Livehouse – emeli aňyň kömegi bilen ulanyjy bilen aragatnaşyk saklaýan 3D anime gyzlarynyň konteýneri. Taslama tiz wagtdan Kickstarter-de çykar.
7. Roborock we Dreame kompaniýalaryndan el-aýakly robot tozan sorujylary – bu gurluşlar predmetleri süýşürip, 6 sm çenli beýiklikdäki päsgelçilikden geçip bilýär.
