Xiaomi kompaniýasy POCO X7 Pro smartfonynyň eksklýuziw wersiýasyny hödürledi. Iron Man Edition modeli Marvel bilen hyzmatdaşlykda döredilip, Demir adama bagyşlandy.
Gurluşyň yzky gapagy Marvel-iň we Ar alyjylaryň logotipleri, şeýle-de Toni Starkyň emeli ýüregini alamatlandyrýan gyzyl halkada Demir adamyň kellesiniň şekili bilen bezeldi.
Gurluşyň stile laýyk ýerine ýetirilen yzky gapagyndan daşary POCO X7 Pro Iron Man Edition komiks döredijisinden giňeldilen haryt toplumyna we degişli interfeýse eýe bolar, ýagny Iron Man UI interfeýsi HyperOS 2 operasion ulgamynyň üstüni ýetirdi.
Aýratynlyklary taýdan ýörite wersiýa adaty POCO X7 Pro-dan tapawutlanmaýar. Smartfon MediaTek Dimensity 8400-Ultra prosessory, 6,67 dýuýmlyk OLED displeýi, 50 Mp goşa kamera we 90 Wt çalt zarýad berşi goldaýan uly batareýa eýe boldy.
Topluma Toni Starkyň reaktorynyň stilinde skrepka (“Toni Starkyň ýüreginiň bardygyna subutnama”), zarýad beriş üçin gyzyl-gara kabel, smartfonyň gyralaryny goraýan we yzdaky suratyň üstüni ýapmaýan bamper bar.
POCO X7 Pro Iron Man Edition 399 dollar baha bilen diňe 12/512 GB wersiýada çykarylýar. Tiraž çäklendirilen.
