Las-Wegasda CES 2025 sergisinde Lenovo çekilip uzaldylýan ekranly ilkinji tapgyrlaýyn noutbugy bolan ThinkBook Plus Gen 6-ny bildiriş etdi. Täze önümiň satuwy 2025-nji ýylyň birinji çärýeginde başlar. Modeliň bahasy 3500 dollar diýip, The Verge ýazýar.
Noutbugyň esasy aýratynlygy 2000×1600 piksel durulykda we 120 Hz täzeleniş tizligi bolan 14 dýuýmlyk OLED ekranydyr. Ekrany dikligine 16,7 dýuýma çenli ulaldyp bolýar. Giňeldilen görnüşdäki durulygy 2000×2350 piksel bolar.
Şarnire gurlan motorlar arkaly ulaldyp-kiçeltmek 10 sekunt töweregi wagt alýar. Öndüriji mehanizminiň ekrany 30 müň gezek açyp-ýapmaga we 20 müň gezek ýokary galdyryp-düşürmäge ygtybarlydygyny kepillendirýär.
Iň ýokary konfigurasiýasynda enjam Intel Core Ultra 7 Series 2 prosessory, 32 GB DDR5 RAM we 1 TB SSD bilen enjamlaşdyrylandyr. Portlara iki sany Thunderbolt 4 we gulaklygyň porty girýär. Noutbugyň awtonomlygy 66 Wt•s batareýa bilen üpjün edilýär.
Lenovo ThinkBook Plus Gen 6-ny iş we multimediýa üçin öwrülişik çözgüdi hökmünde görkezýär.
