Koreýanyň “Kalmar oýny” atly ýiti sýužetli serialynyň täze möwsümi çykandan soň 11 günüň içinde 126 million gezek tomaşa edildi. Şüweleňiň bu görkeziji boýunça ol birinji möwsümden soň ikinji orunda durýar diýip, The Wrap ýazýar.
Ikinji hepdesinde serialyň ikinji möwsümi öňkiniň üstüne ýene 58 million tomaşa goşdy.
Iki möwsüm hem akym platformasynyň Amerikan däl taslamalarynyň arasynda meşhurlyk sanawynda birinji orunda durýar. Dowamy çykandan soň birinji möwsüme ýene 13,6 million gezek tomaşa edildi, şondan soň umumy sany 265 milliona ýetdi. Bu Netflix üçin görlüp-eşidilmedik netijedir.
Koreýanyň serialy iň meşhur seriallaryň sanawynda “Wensdeý” (252 million), “Örän geň işleriň” dördünji möwsümi (140 million) we “Monstr: Jeffri Dameriň başdan geçireni (115 million) ýaly taslamalardan öňde durýar.
Ikinji möwsümdäki wakalar birinji möwsüm tamamlanandan üç ýyl soň bolup geçýär. Üçünji möwsümiň 2025-nji ýylda görkezilmegine garaşylýar, ýöne takyk senesi entek yglan edilmedi. Serialyň döredijisi Hwan Don Hýok dowamynyň tomusda ýa-da güýzde çykjakdygyny aýtdy.
