Prezident Serdar Berdimuhamedow Magtymguly adyndaky halkara baýraklar baradaky komitetiň düzümini tassyklamak hakynda Permana gol çekdi. Perman 2025-nji ýylyň 1-nji martyndan herekete girýär.
«Magtymguly adyndaky halkara baýrak hakynda» Türkmenistanyň Prezidentiniň 2013-nji ýylyň 4-nji oktýabrynda çykaran 6434-nji Permany bilen tassyklanan Magtymguly adyndaky halkara baýraklar baradaky komitet hakynda Düzgünnamanyň üçünji bölegine laýyklykda, karar edýärin:
Magtymguly adyndaky halkara baýrak Magtymguly Pyragynyň döredijilik mirasyny öwrenmekde hem-de ýaýratmakda, wagyz etmekde we onuň ynsanperwer taglymatyny durmuşa ornaşdyrmakda, şahyryň edebi mirasyny kanun esasynda ebedileşdirmekde hyzmatlary göz öňünde tutup berilýär.
2024-nji ýylyň dekabrynda bu baýrak Türkmenistanyň Halk Maslahatynyň Başlygy Gurbanguly Berdimuhamedowa berildi.
