Ukrainaly boksçy Aleksandr Usik Bütindünýä boks geňeşi (WBC) we abraýly Sports Illustrated neşiri tarapyndan ýylyň boksçysy adyna eýe boldy.
WBC-niň beýanynda Usigiň 2024-nji ýylda gazanan üstünlikleri bellenilýär. 18-nji maýda ukrainaly boksçy bilen britaniýaly Taýson Fýuriniň arasynda taryhy söweş boldy. Söweş emin agzalarynyň tapawutly karar bermeginde Usigiň ýeňşi bilen tamamlandy. Bu ýeňiş ony XXI asyrda super agyr agramda ilkinji absolýut dünýä çempiony etdi.
21-nji dekabrda ukrainaly boksçy Fýuri bilen rewanş söweşinde ýene duşuşdy, bu gezek hem emin agzalarynyň biragyzdan karary bilen ony ýeňip, WBC-niň titulyny gorady.
“Usik Ukrainadan daşarda ajaýyp başarnyklaryny yzygiderli görkezip, sporta global täsirini görkezdi. Bu üstünlikler öz nesliniň iň beýik boksçylarynyň biri hökmünde Usigiň mirasyny berkidýär” – diýlip, guramanyň metbugat relizinde aýdylýar.
Sports Illustrated amerikan neşiri Usigi professional karýerasynda gazanan üstünlikleri üçin ýylyň boksçysy diýip atlandyrdy.
