“Şa Ýolbars” franşizasy kinoteatrlarda 3 milliard dollardan gowrak girdeji gazandy. Ýakynda çykan “Mufasa: Şa Ýolbars” filmi bu möçberiň üstüne 476 million dollar goşdy diýip, Variety habar berýär.
1994-nji ýyldaky asyl multfilm 968 million dollar, onuň 2019-njy ýylda surata düşürilen kinosy 1,6 milliard dollar gazandy.
Şol bir wagtyň özünde, filmiň dynç alyş günlerinde çykandygyna garamazdan, “Mufasanyň” kassa ýygymlary, marketingi hasaba almazdan, 200 million dollardan geçýän önümçilik çykdajylaryny ýapmady. Kinoteatrlar girdejiniň ýarysyna golaýyny özlerine alyp galýarlar.
Şol bir wagtyň özünde, “Sonik kinoda 3” filminiň dünýädäki kassa ýygymy 336 million dollara ýetdi, bu franşizanyň ikinji bölüminden (405 million dollar) sähel az we birinji bölüminden bolsa (319 million dollar) az-owlak köp. Umuman alanyňda, “Sonik” trilogiýasy 1 milliard dollardan gowrak girdeji gazandy. Paramount Pictures filmleri “çäksiz geljegi bolan sarsmaz medeni güýç” diýip atlandyrdy.
Disney-iň “Moana 2” multfilmi hem milliardlarça dollar gazanmaga ýakyn bardy, multfilmiň kassa ýygymy geçen hepdäniň ahyrynda 960 million dollara ýetdi.
Robert Eggersiň “Nosferaty” gorkunç filmi ilkinji görkezilişinden soň, 10 günüň içinde dünýäde 100 million dollar girdeji gazandy.
