2024-nji ýylda Ilon Maskyň SpaceX kosmos kompaniýasy görlüp-eşidilmedik netijelere eýe bolup, bäsdeşlerinden ep-esli öňe geçdi. Ýylyň dowamynda kompaniýa Falcon 9 we Falcon Heavy kysymly göteriji raketalaryň 134 sany uçuryşyny amala aşyrdy, şol döwürde Ýeriň orbitasyna ep-esli - 1 497 848 kilogram ýüki üstünlikli eltdi. Bu kosmonawtikanyň tutuş taryhynda absolýut rekorddyr.
Deňeşdirmek üçin, bu görkeziji boýunça ikinji ýerde durýan Hytaýyň Aerokosmik korporasiýasy (CASC) ýylyň dowamynda bary-ýogy 62 680 kg gerekli ýüki orbita eltdi. Bu SpaceX-iň netijeleriniň 5% -i hem däldir.
Roskosmos (60 610 kg) we Russiýanyň howa-kosmiki güýçleri (10 000 kg) degişlilikde üçünji we dördünji orny eýelediler.
Kosmos bazarynyň beýleki oýunçylarynyň görkezijileri hasam ujypsyz boldy: Mitsubishi Heavy Industry (MHI, Ýaponiýa) - 5665 kg, Hindi kosmos barlaglary guramasy (ISRO) - 3909 kg, Arianespace (Fransiýa) - 3514 kg, United Launch Alliance (ULA, ABŞ) - 2783 kg, Rocket Lab (ABŞ) - 881 kg, Eýranyň kosmos gullugy (ISA) - 300 kg.
