Daşary ýurt neşirleri 2024-nji ýyldaky dünýä prokatynyň netijelerini jemlediler. Täze ýyl baýramçylygy mynasybetli dynç günleri käbir filmleriň girdeji ýygymlary ep-esli artdy, netijede “Zalym” mýuzikli altynjy orny eýeledi, “Moana 2” multfilmi bolsa dördünji orna ýetmegi başardy.
Analitikleriň tomusda hem çak edişi ýaly, 2024-nji ýylyň iň girdejili filmi Pixar studiýasynyň “Tapmaça 2” multfilmi boldy. Ikinji orunda Marvel-den “Dedpul we Rosomaha”, üçünji orunda ýene bir multfilm – “Ýigrenji men 4” ýerleşdi.
Belläp geçsek, ýylyň iň köp girdeji gazanan 10 filminiň dokuzysy öňki filmleriň dowamlarydyr.
- “Tapmaça 2” - $1,69 mlrd
- “Dedpul we Rosomaha” - $1,33 mlrd
- “Ýigrenji men 4” - $969 mln
- “Moana 2” - $913 mln
- “Dýuna 2” - $714 mln
- “Zalym” - $655 mln
- “Godzilla we Kong: Täze imperiýa” - $572 mln
- “Kung-fu Panda 4” - $548 mln
- “Wenom: Iň soňky tans” - $476 mln
- “Bitljus Bitljus” - $451 mln.
