Amerikaly aýdymçy Billi Aýlişiň “Birds of a Feather” aýdymy 1,78 milliard gezekden hem köp diňlenip, 2024-nji ýylda Spotify-da iň meşhur aýdym boldy.
Interscope-a salgylanyp Hypebeast-yň habar bermegine görä, aýdym ikinji orny eýeleýän Sabrina Karpenteriň “Espresso” aýdymyndan (1,778 mlrd gezek diňlenme) üç million gezek köp diňlenildi.
Şol bir wagtyň özünde bellenilişi ýaly, Karpenter ýylyň köp böleginde birinji orny eýeledi we diňe ýylyň ahyrynda Aýlişe öňdebaryjylygy berdi.
“Birds of a Feather” Billi Aýlişiň 2024-nji ýylyň 17-nji maýynda çykan üçünji studiýa albomyna girýär. Aýdym Billboard Hot 100 çartynda ikinji orna ýetdi. Aýdym üçin klip 27-nji sentýabrda çykaryldy.
