Geçen ýyl dünýäniň iň baý 500 adamynyň umumy baýlygy 10 trln dollardan geçdi diýip, Bloomberg habar berýär.
Resmi taýdan dünýäniň iň baý ýaşaýjysy Tesla we SpaceX kompaniýalarynyň esaslandyryjysy Ilon Mask hasaplanýar, onuň baýlygy 442,1 mlrd dollara ýetdi. Reýtingiň ilkinji üçlügine Meta-nyň ýolbaşçysy Mark Sukerberg we Nvidia-nyň ýerine ýetiriji müdiri Jensen Huang girýär.
Umumy baýlygyň artmagyna tehnologiýa kompaniýalarynyň paýnamalarynyň gymmatlamagy sebäp boldy. Sekiz sany tehnologiýa kompaniýalarynyň eýesi geçen ýyl 600 mlrd dollardan gowrak girdeji gazandy.
Işewürleriň baýlygy ABŞ-nyň Prezident saýlawlarynda Donald Trampyň ýeňşinden soň birden ösdi. Saýlawlardan soň bäş hepdäniň dowamynda milliarderler 505 mlrd dollar gazandy – ýyllyk görkezijiniň 34%-i.
Şeýle-de, saýlawlaryň netijeleri sanly aktiwleriň ösüşine itergi berdi: bitkoin 100 müň dollar belliginden geçdi. Bu kriptomillionerleriň, hususan-da, Binance Holdings-den Çanpen Çžaonyň baýlygyna uly täsir etdi.
