55 ýaşly belgiýaly aýal Hilde Dozon ýylyň dowamynda her gün marafon ylgap geçen dünýäde ilkinji aýal boldy diýip, Euronews habar berýär.
Sişenbe güni, 31-nji dekabrda ol Gentde özüniň soňky, 365-nji marafonyny tamamlady. Indi onuň üstünligini Ginnesiň rekordlar kitabyna girizmek meýilleşdirilýär.
Dozon bir ýylda 15,4 müň kilometrden gowrak ýol geçdi, bu bolsa Brýusselden Sidneýe çenli aralykdan hem uzakdyr. Marafon wagty ol göwsüň rak keselini bejermek boýunça ylmy gözlegler üçin, takmynan, 60 müň ýewro ýygnady.
“Meniň üçin akyl dartgynlylygy fiziki ýagdaýdan has agyr boldy. Elbetde, fiziki taýdan hem ähli zat gowy bolmaly, ýogsam her gün dört sagatlap ylgap bilmersiňiz. Ýöne her gün starta çykmak – psihika üçin uly agram” – diýip, Hilde aýdýar.
Hilde 2023-nji ýylda 150 marafon ylgan awstraliýaly Erçane Mýurreý-Barlettiň rekordyny täzeledi. Türgen bu çylşyrymly ýylyň tamamlanmagynyň diňe bir ýadawlyk däl, eýsem çuňňur kanagatlanma getirendigini belledi.
