Birleşen Arap Emirlikleriniň Abu-Dabi şäherindäki «Ferrari World» seýilgähinde ýerleşýän «Formula Rossa» attraksiony dünýäniň iň çalt attraksiony hökmünde ykrar edildi.
Attraksion bary-ýogy 4,9 sekundyň içinde 0-dan 240 km/sag tizlige ýetmegi başardy we bu netije resmi taýdan Ginnesiň rekordlar kitabyna girizildi.
Deňeşdirmeli bolsa, «Formula-1» bolidleri adatça göni ýollarda 220–250 km/sag tizlige ýetýärler, «Formula Rossa» bolsa şol tizlik üçin bäş sekunt ýeterlik.
2010-njy ýylda açylan «Ferrari World» sebitiň iň uly tematik seýilgähleriniň biri hasaplanylýar. Onuň çäginde 40-dan gowrak dürli attraksion bar, emma olaryň içinde iň meşhury «Formula-1» ýaryş awtoulaglarynyň nusgasynda döredilen «Formula Rossa» amerikan depejikleridir.
Attraksion sagatda 625 myhmana hyzmat edýär. Ýolagçylar syýahat wagtynda 4,8 g derejedäki agramlylygy başdan geçirýärler. Bu professional awtosürüjileriň ýaryş wagtynda kesgin öwrümlerdäki duýýan agramlaryna deňdir.
