Madridiň «Real» topary 2024/25-nji ýyl möwsüminiň jemleri boýunça 1,265 milliard dollar möçberinde girdeji gazanyp, sportuň ähli görnüşleriniň klublarynyň arasynda täze rekord goýdy.
«Forbes» žurnalynyň maglumatlaryna görä, ispan klubunyň girdejisi öňki möwsüm bilen deňeşdirilende 12% ýokarlandy.
Bu görkeziji boýunça «Real» ozalky rekordy täzeledi. Ozal bu rekord ABŞ-nyň Milli futbol ligasyndan (NFL) «Dallas» klubuna degişlidi. Amerikanyň futbol toparynyň gazanan girdejisi 1,230 milliard dollara barabardy.
