Zaha Hadid Architects arhitektura býurosy Hytaýyň Şaosin şäherinde medeni we çeperçilik merkezini dizaýn eder. Bu barada studiýanyň web sahypasynda habar berildi.
Täze toplum 1400 orunlyk teatrdan, 500 orunlyk köpugurly zaldan, muzeýden, sanly sungat galereýasyndan hem-de bilim we konferensiýa merkezinden ybarat bolar. Merkez sahnada opera, tans we drama eserlerini goýmak, simfoniki we aýdym-saz çykyşlaryny guramak üçin dörediler.
Adaty bolmadyk arhitektura binasy Saoe derýasynyň kenarynda ýerleşer. Onuň öň tarapyny bezemek üçin, takmynan, mundan 1200 ýyl ozal Sun dinastiýasy döwründe sebitde dörän ýaşyl keramika önümleri ulanylar.
Merkeziň üçekleri sebitiň adaty arhitekturasyndan ylham alýar. Fasadyň aňyrsyna uzalyp gidýän telärler saýaly ýerleri döreder we eýwanly ýaşyl howlular şäheriň ähli ýaşaýjylary üçin açyk bolar.
Ozal Zaha Hadid Architects Özbegistandaky Alyşir Nowaýy adyndaky ylmy-barlag merkezini taslamalaşdyrmak üçin saýlanypdy. Täze Daşkendäki bu toplumda muzeý, auditoriýa we özbek dilini öwrenmek üçin mekdep bolar.
