OpenAI gumanoid robotlaryny işläp taýýarlamak pikirine gaýdyp geldi. Kompaniýa robotlaryny intellektual meseleleri ýerine ýetirmäge mümkinçilik berjek neýroulgamlara birikdirmegi meýilleşdirýär diýip, The Information neşiri çeşmelere salgylanyp habar berdi.
OpenAI ozal tälim bermek üçin maglumatlaryň ýeterlik däldigi sebäpli özüniň robot tehnikasy bölüminden ýüz öwrüpdi. Şeýle-de bolsa, kompaniýa indi barlagçy inženerler üçin boş iş orunlaryny döredip, bu ugurdaky işini täzeden ýola goýdy. Mundan başga-da, OpenAI robot bilen baglanyşykly başlangyçlary goldaýar.
Robototehnika gaýdyp gelinmeginiň sebäplerinden biri, täze o3 AI modeli döretmegiň üstünde alnyp barylýan işdir. Ol ilkinji gezek 2024-nji ýylyň dekabrynda yglan edildi. Kompaniýa neýroulgamyň adam pikirine ýakyn mümkinçilikleri görkezýändigini we öňki ösüşlerden ep-esli ýokarydygyny habar berdi.
Ozal OpenAI 12 günlük bildiriş marafonyny geçirdi, şol döwürde wideo döretmäge mümkinçilik berýän Sora neýroulgamyna hemmeler üçin açyk elýeterlilik berendigini ýatladýarys. Mundan başga-da, ulanyjylar indi ChatGPT çat-botuny ulanyp, internetde maglumat gözläp bilerler.
