Visualcapitalist portalynyň hünärmenleri sarp edijilik ukybynyň barabarlygyna görä düzedilen jemi içerki önüm boýunça (JIÖ) dünýäniň iň iri 20 ykdysadyýetiniň reýtingini hödürlediler. Infografika düzülende awtorlar Halkara pul gaznasynyň 2024-nji ýylyň ahyryna çenli maglumatlaryna esaslandylar.
2014-nji ýyldan bäri sarp edijilik ukybynyň barabarlygy üçin düzedişler bilen önümçiligiň göwrümi boýunça iň iri ykdysadyýet ornuny Hytaý saklaýar.
Ikinji orunda Hytaýdan dört trillion dollar yza galýan ABŞ ýerleşýär. Üçünji orny Hindistan eýeleýär, ýurduň JIÖ-ni sarp edijilik ukybynyň barabarlygyny göz öňünde tutmak bilen nominaldan dört esse diýen ýaly ýokarydyr. Öňdebaryjylaryň bäşligine Russiýa we Ýaponiýa hem girýär.
Sarp edijilik ukybynyň barabarlygy ýurtlaryň arasyndaky bahalaryň tapawudyny göz öňünde tutýan çalşylýan hümmeti ulanyp, ýurduň jemi içerki önümini umumy walýuta öwürmek ýoly bilen hasaplanýar. Bu ähli ýurtlarda şol bir haryt we hyzmat sebediniň birmeňzeş bahasyny üpjün edip, hakyky ykdysady önümçiligi görkezmäge mümkinçilik berýär. Bu usulyň artykmaçlygy çykdajylary girdejisi ýokary ýurtlardan pes bolan pes we orta girdejili ykdysadyýetleriň degişli güýjüni hasaplamakda jemlenýär. Şu sebäbe görä, Hindistanyň sarp edijilik ukybynyň barabarlygyna görä düzedilen JIÖ-ni nominaldan ep-esli ýokarydyr.
